Քաղաքականություն
07.07.2021 | 20:27
Հայիթիի սպանված նախագահ Ժովենել Մոիզիի կինը ևս մահացել է ստացած վնասվածքներից, գրում է Diario Libre-ն։
Նշվում է, որ առաջին տիկին Մարթին Մոիզիի մահվան մասին տեղեկությունը հաստատել է Օլիմպիական կոմիտեի նախագահ Հանս Լարսենը։
Հիշեցնենք՝ Հայիթիի նախագահը սպանվել էր զինված անձանց կողմից, որոնք հարձակվել էին Պելերինի շրջանում գտնվող նրա նստավայրի վրա։ Նրա կնոջը հոսպիտալացրել էին հրազենային վիրավորումով, սակայն նրան փրկել չէր հաջողվել։
Երկրի վարչապետ Կլոդ Ժոզեֆի խոսքով՝ հարձակվողները միմյանց հետ շփվել են իսպաներեն։ Այս պահին Պորտ-օ-Պրենսի միջազգային օդանավակայանը չվերթներ չի ընդունում։
Հավելենք, որ 2021 թվականի փետրվարին Հայիթիում կանխվել է հեղաշրջման փորձ։ Իրավապահները ձերբակալել էին ավելի քան 20 մարդու՝ նախագահի վրա մահափորձի ու պետական հեղաշրջման նախապատրաստման մեղադրանքով։
