18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ճանապարհորդելով աշխարհով մեկ՝ Ջիվան Գասպարյանը լավագույնս ներկայացրել է Հայաստանը․ Սերժ Թանկյան
Մշակույթ
07.07.2021 | 20:52
Աշխարհահռչակ System Of A Down ռոք խմբի մենակատար Սերժ Թանկյանն իր ցավակցական խոսքն է հղել հանրաճանաչ դուդուկահար Ջիվան Գասպարյանի մահվան կապակցությամբ։ Թանկյանն այս մասին գրել է «Ինստագրամ»-ի իր էջում։
«Մեզ շատ վշտացրեց երաժշտական և մշակութային լեգենդ, մաեստրո Ջիվան Գասպարյանի մահվան լուրը: Ջիվանն անձնավորում էր հայկական դուդուկը, որի ամենահայտնի վարպետն էր աշխարհում։ Ճանապարհորդելով աշխարհով մեկ՝ ձայնագրությունների, սաունդթրեքերի միջոցով Ջիվանը լավագույնս ներկայացրել է Հայաստանն ու հայկական ժողովրդական երաժշտությունը: Ես բախտավոր եմ ինձ համարում, որ հնարավորություն եմ ունեցել 2017 թվականին հանդիպել նրան և կյանքի մի քանի դաս քաղել այդ անհավանական մարդուց: Մեր ցավակցությունն ենք հայտնում վարպետի ընտանիքին և հատկապես իմ ընկեր Ջիվան Գասպարյան կրտսերին:
Հողը թեթև նստի վրադ, վարպե՛տ ջան»,- գրառումը հայերենով ավարտել է Սերժ Թանկյանը։
