Քաղաքականություն
07.07.2021 | 21:06
Ֆուտբոլի Եվրոպայի առաջնությունը նպաստում է մայրցամաքում կորոնավիրուսային վարակի թվի աճին: Նման եզրակացության են հանգել Հիվանդությունների կանխարգելման և վերահսկման եվրոպական կենտրոնի (ECDC) փորձագետները՝ հիմնվելով Եվրո-2020-ի առաջին երեք շաբաթների դիտարկումների արդյունքների վրա, գրում է DW-ի ռուսական ծառայությունը:
Այս ժամանակահատվածում եվրոպական յոթ երկրներում գրանցվել է կորոնավիրուսային վարակի ավելի քան 2500 դեպք, որոնք կարող են կապված լինել Եվրոպայի առաջնության հետ, ասում են Եվրոպայի առողջապահության վարչության փորձագետները:
Իրադարձությունների նման զարգացումը զարմանալի չէր, ասել է ECDC-ի հանրային առողջապահության ղեկավար Վիկի Լեֆևրը, քանի որ մեծ թվով այցելուներով խոշոր միջոցառումները շարունակում են մնալ վարակի տարածման վտանգ:
SARS-CoV-2 վարակի ամենախոշոր դեպքերը, որոնք կապված են Եվրոպայի առաջնության հետ, գրանցվել են Շոտլանդիայում։ Շոտլանդիայի հավաքականը խմբային փուլի երկու հանդիպում է անցկացրել Լոնդոնի և Գլազգոյի մարզադաշտերում:
Վիկի Լեֆևրը նշել է, որ «դելտա» շտամը դեռևս չէր սկսել տարածվել, երբ նախատեսվում էր մարզադաշտերում տասնյակ հազարավոր հանդիսականներով Եվրո -2020-ի հանդիպումներ անցկացնել: Ներկայումս բարձր վարակողունակությամբ «դելտա» շտամն ամենաշատն է տարածված Մեծ Բրիտանիայում։
Տաթև Ֆռանգյան
