09.06.2026 | 12:54
Սպասում ենք վերահաշվարկի արդյունքներին, որից հետո կհայտարարենք հետագա քայլերի մասին․ Նարեկ Կարապետյան
Կամչատկայում անհետացած ինքնաթիռի կործանման վայրը տեղորոշվել է․ ուղևորների ցանկում հայեր չկան
Քաղաքականություն
06.07.2021 | 11:48
Փրկարարները տեղորոշել են Ан-26 ինքնաթիռի կործանման վայրը, որը Կամչատկայի Պետրոպավլովսկից ուղևորվում էր դեպի Պալանա ու վայրէջքից առաջ կապի դուրս չէր եկել։
Ենթադրաբար, ինքնաթիռն ընկել է ծովը։ Այս մասին ՌԻԱ Նովոստիին հայտնել է արտակարգ ծառայությունների ներկայացուցիչը։ Ինքնաթիռում եղել են անձնակազմի 6 անդամ ու 22 ուղևոր, այդ թվում՝ 2 երեխա և Պալանի ղեկավար Օլգա Մոխիրյովան։
Նավեր են ուղարկվել ինքնաթիռի որոնման համար։ Ձևավորվել է հատուկ հանձնաժողով, գործում է թեժ գիծ։ Տեղեկացվում է, որ օդերևութաբանական պայմանները բարդ են՝ մառախլապատ է ու ամպամած։
«Կամչատկա» ավիաընկերությունը, սակայն, չի հաստատել ինթնաթիռի կործանումը։ Տեղի ներկայացուցչությունից հայտնել են, որ ինքնաթիռն ունեցել է թռիչքային պիտանիության վավեր վկայական, իսկ անձնակազմն անցել է նախաթռիչքային ստուգում:
Հրապարակվել է նաև ինքնաթիռում գտնվողների անուն, ազգանունները։ Նրանց թվում հայեր չկան։
Տաթև Ֆռանգյան
