18.12.2025 | 23:24
ՀՀ տարածքում ավտոճանապարհները հիմնականում անցանելի են
ՍԴ-ից ակնկալում ենք բարձր դատարանին հարիր քննություն․ Սոս Հակոբյան. ՏԵՍԱՆՅՈՒԹ
Քաղաքականություն
02.07.2021 | 18:07
«Այսպիսի անթաքույց վարչական ռեսուրսի օգտագործում և իշխանության եղած մարդու կողմից պետական ապարատին, հանրային սեկտորին ուղղորդում երևի թե երբեք չի եղել: Նկատի ունեմ այն, որ երբ վարչապետի պաշտոնակատարի շուրթերից ատելության խոսք է հորդում, և մարդը՝ չագուչը ձեռքին, փորձում է ահաբեկել թե՛ ընդդիմությանը, թե՛ ընդդիմության պոտենցիալ ընտրազանգվածին, դրանից ավել վարչական ռեսուրսի օգտագործում դժվար է պատկերացնել,- Factor.am-ի հետ զրույցում այս մասին նշեց «Հայրենիք» կուսակցության մամուլի խոսնակ Սոս Հակոբյանը:
««Պատիվ ունեմ» դաշինքի ակտիվիստների նկատմամբ բռնաճնշումները ևս նպատակ ունեին ահաբեկել ընտրազանգվածին և խանգարել կազմակերպչական աշխատանքներն իրականացնելուն: Այդ ամենը նախևառաջ կարող է ուղղակի ազդեցություն ունենալ ընտրությունների արդյունքների վրա, և երկրորդ՝ խախտում է երկրում ազատ մրցակցային պայմաններում ընտրություններ կազմակերպելը: Մենք գիտենք նաև, որ եղել են զինվորականներին ուղղորդելու դեպքեր, որոնք արձանագրվել են տեսախցիկով, և դա քվեարկության կամարտահության վրա ազդեցություն է: Մենք այդ ամբողջը ներկայացնելու ենք Սահմանադրական դատարանում,- նշեց Հակոբյանը:
Անդրադառալով հարցին, թե ինչ ակնկալիքներով է «Պատիվ ունեմ» դաշինքը դիմել ՍԴ, Հակոբյանը նշեց. «Մեծ հույս և ակնկալիք ունենք, որ Սահմանադրական դատարանը բարձր դատարանին հարիր քննություն կիրականացնի և կպաշտպանի սահմանդրականության շահերը, հանդես կգա ՀՀ-ում իրավական պետության պաշտպանության դիրքերից»:
Հարցին՝ վստահո՞ւմ են ՍԴ կազմին, թե՞ ոչ, Հակոբյանը պտասխանեց, որ նախօրոք ճիշտ չեն համարում ՍԴ կազմի նկատմամբ վստահության խնդիր դնելը և հավելեց, որ ՍԴ-ին վերաբերվում են որպես իր լիազորությունները հարիր կերպով օգտագործելու ունակ դատարանի՝ ինչպես հատուկ է իրավական պետության ՍԴ-ին:
Մանրամասները՝ տեսանյութում:
