24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
Խորը, տարածված խոցեր․ բժիշկը՝ Իսահակյան գյուղից սիբիրախտով հիվանդների վիճակի մասին. ՏԵՍԱՆՅՈՒԹ
Հասարակություն
02.07.2021 | 16:16
Շիրակի մարզի Անի խոշորացված համայնքի Իսահակյան բնակավայրում սիբիրյան խոց է տարածվել․ անասուններ են սատկել, նրանց մորթն իրականացրած ու մսի մշակմամբ զբաղված 7 անձի՝ 5 տղամարդու և 2 կնոջ, տեղափոխել են Գյումրու ինֆեկցիոն հիվանդանոց։
Գյումրու ինֆեկցիոն հիվանդանոցի բժիշկ – վարակաբան Հեղինե Հունանյանի հավաստմամբ՝ հիվանդների վիճակը միջին ծանրության է. «Ընդունման պահից սկսվել է բուժումը, այն մոտ 10 օր կտևի: Հիվանդներն ընդունվել են բարձր ջերմությամբ, խոր, տարածված խոցերով, նրանք դեռևս հետազոտության փուլում են»:
Բժիշկ – վարակաբանը հավելեց, որ տնային պայմաններում սիբիրյան խոցը բուժել հնարավոր չէ, այն համարվում է հատուկ վտանգավոր վարակ, փոխանցվում է մարդուց մարդուն, ինչպես նաև կենցաղ-կոնտակտային ճանապարհով:
Հունանյանի հավաստմամբ՝ երեկ ամբողջ օրը կատարվել են տնայցեր Իսահակյան գյուղում, այլ վարակակիրներ դեռևս չեն հայտնաբերվել:
Մանրամասները՝ տեսանյութում:
