11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
ՆԱՏՕ-ի պաշտոնյան կարևորել է Հայաստանի և Ադրբեջանի երկխոսությանն օժանդակելու հարցում Վրաստանի դերը
Քաղաքականություն
02.07.2021 | 13:43
Հարավային Կովկասում և Կենտրոնական Ասիայի երկրներում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայը Վրաստանի ԱԳ նախարար Դավիթ Զաքալիանիի հետ հանդիպմանը քննարկել է արտաքին քաղաքականության ու անվտանգությանն առնչվող կարևոր հարցեր, գրում է apsny.ge-ն։
Նշվում է, որ անդրադարձ է եղել նաև Հայաստանի ու Ադբեջանի միջև հարաբերությունների կարգավորման գործում Վրաստանի դերին։
«Մենք քննարկեցինք տարածաշրջանային անվտանգության հարցեր։ Ես ուզում եմ ընդգծել, որ ՆԱՏՕ-ի համար տպավորիչ է այն դերը, որ հիմա Վրաստանն ունի տարածաշրջանում՝ օգնելով Ադրբեջանին ու Հայաստանին հաղթահարել ռազմական գործողությունների հետևանքներն ու բանակցություններ սկսել։ Սա բացառիկ դեր է, որը կարող է խաղալ միայն Վրաստանը, և այն անում է իսկապես ստեղծագործ ու էներգետիկ կերպով»,- ասել է Ապաթուրայը։
Նա նշել է, որ տեսնում են, թե ինչպես է Վրաստանն օգնում Ադրբեջանին ու Հայաստանին՝ երկխոսել միմյանց հետ։
«Մենք ուրախ և երախտապարտ ենք դրա համար»,- ասել է ՆԱՏՕ-ի պաշտոնյան։
Էմմա Չոբանյան
