09.08.2026 | 16:37
Վթարային ջրանջատում Կտայքում և Երևանում
Հայաստանում 18-ից 20 տարեկան երիտասարդների 10%-ն ունի ֆունկցիոնալ անգրագիտություն․ Դավիթ Ամիրյան. ՏԵՍԱՆՅՈՒԹ
Հասարակություն
01.07.2021 | 16:54
«2018թ. հույսեր ունեինք, բայց հետաքրքիր իրավիճակ ստեղծվեց: Մարդիկ, ովքեր հասկանում էին կրթության խնդիրները, նաև պատկերացնում էին լուծումներ, հեղափոխության ալիքի վրա դարձան որոշում ընդունող և իրականացնող, և տպավորություն ստեղծվեց, որ ընթացիկ պետական կառավարման գործընթացները «կերան» այդ մարդկանց: Միգուցե 15 տարվա ընթացքում խնդիրները լուծվեն, բայց մենք այդ ժամանակահատվածում կորցնում ենք սերունդ: Այս մասին «Թերուսուցման հիմնահարցը ՀՀ-ում. հանրակրթության մասին նոր զեկույցի բացահայտումները» թեմայով քննարկման ժամանակ նշեց «Բաց հասարակության հիմնադրամներ – Հայաստանի» ծրագրերի գծով փոխտնօրեն Դավիթ Ամիրյանը:
«2018թ. համաշխարհային զարգացման հաշվետվության մեջ նշված էր, որ Հայաստանում 18-20 տարեկան երիտասարդների 10%-ն ունի ֆունկցիոնալ անգրագիտություն, այսինքն՝ տեքստը կարդալու և վերարտադրելու հետ կապված խնդիրներ ունի:
Մինչև հիմա իրավիճակի դիագնոստիկան տրվել է կա՛մ համաշխարհային բանկի կողմից, կա՛մ քաղաքացիական հասարակության կողմից: Բայց այդ ախտորոշումը պաշտոնապես չի ընդունվել կառավարության կողմից:
Մենք առաջարկում էինք իրականացնել ոլորտի շատ լուրջ ախրորոշում և որոշել, թե ինչ արմատական միջամտություններ պետք է արվեն սերունդների կրթության իրավունքը վերականգնելու համար»,- նշեց Ամիրյանը:
Մանրամասները՝ տեսանյութում:
