03.05.2024 | 23:25
Ֆրանսիացի բժիշկները Անահիտ Ավանեսյանի հետ քննարկել են ինֆեկցիոն հիվանդությունների բուժման մոտեցումները
Ըմբշամարտիկ Լյովա Գևորգյանը ջախջախեց ադրբեջանցուն՝ նվաճելով երիտասարդական ԵԱ ոսկե մեդալը
30.06.2021 | 22:59
Դորտմունդում ընթացող ըմբշամարտի Եվրոպայի երիտասարդական առաջնությունում այսօր ազատ ոճային 125կգ Լյովա Գևորգյանը եզրափակչում պայքարում էր ադրբեջանցու հետ։ Այս մասին գրում է armsport.am-ը։
Մեր մարզիկը 11:0 հաշվով ջախջախեց մրցակցին՝ նվաճելով ոսկե մեդալը։
Հիշեցնենք՝ Դորտմունդում ընթացող Եվրոպայի երիտասարդական առաջնությունում Հայաստանն արդեն երկու արծաթե և երկու բրոնզե մեդալ է նվաճել․ 57 կգ քաշային Մանվել Խնձրցյանը եզրափակչում ուժերը չափել է Ռուսաստանի ներկայացուցիչ Խունկերովի հետ ու պարտվել 2-8 հաշվով՝ արժանանալով արծաթե մեդալին, 61կգ Լևիկ Միքայելյանը եզրափակչում պարտվել է ադրբեջանցուն ու նվաճել արծաթե մեդալ, իսկ 70կգ քաշային կարգում Նարեկ Հարությունյանը չափազանց լարված պայքարում 7-6 հաշվով հաղթել է Վրաստանի ներկայացուցիչ Դ․ Պացինաշվիլին ու նվաճել բրոնզե մեդալ, բրոնզ է նվաճել նաև 92կգ Սերգեյ Սարգսյանը։
