13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
ՌԴ-ն Հայաստանի սահմանամերձ բնակավայրերի բնակիչներին 3․2 մլն դոլար կհատկացնի
Քաղաքականություն
30.06.2021 | 17:26
ՌԴ դեսպան Սերգեյ Կոպիրկինն ու Հայաստանում ՄԱԿ-ի Զարգացման ծրագրի ներկայացուցչության ղեկավար Միխայել Ստոյկոսկան այսօր փոխըմբռնման հուշագիր են ստորագրել, որը ենթադրում է ՌԴ կառավարության կողմից 3․2 միլիոն դոլարի չափով օգնություն ՀՀ տուժած բնակիչների համար։ Այս մասին հայտնում է ՏԱՍՍ-ը՝ վկայակոչելով դեսպանության մամլո ծառայությանը։
«Երկամյա նախաձեռնության իրականացման համար, որի շրջանակում նախատեսվում է օժանդակություն տրամադրել շուրջ 28 հազար շահառուների, մասնավորապես՝ Սյունիքի, Գեղարքունիքի և Վայոց Ձորի մարզերի սահմանամերձ տարածքներում բնակվողներին, Ռուսաստանի պետական բյուջեից 3․2 մլն դոլար է հատկացվել»,- նշվում է հաղորդագրության մեջ:
Հայաստանում ՌԴ դեսպանը նշել է, որ «մեկնարկած նախագծի հիմնական նպատակներից մեկը հայ հասարակությանն աջակցելն է՝ հնարավորինս շուտ հաղթահարելու ԼՂ հակամարտության սրման հետևանքով առաջացած սթրեսը՝ ձեռք բերելով ինքնավստահություն և առաջ շարժվելու ուժ, ինչին Ռուսաստանը մեծ նշանակություն է տալիս՝ որպես Հայաստանի առանցքային ռազմավարական դաշնակից»:
Տաթև Ֆռանգյան
