24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
Վրաստանի ԿԸՀ նախագահը հրաժարական է տվել
Քաղաքականություն
30.06.2021 | 14:17
Վրաստանի Կենտրոնական ընտրական հանձնաժողովի (ԿԸՀ) նախագահ Թամար Ժվանիան հրաժարական է տվել: «Գրուզիա օնլայն»-ի հաղորդմամբ՝ այս մասին նա գրել է իր ֆեյսբուքյան էջում:
«Ցանկանում եմ հանրությանը տեղեկացնել, որ որոշում եմ կայացրել չերկարացնել Վրաստանի Կենտրոնական ընտրական հանձնաժողովի նախագահի լիազորությունների ժամկետը 2021 թվականի հուլիսի 1-ից, ինչը քաղաքական կուսակցություններին հնարավորություն կտա ընտրելու ԿԸՀ նախագահ՝ ելնելով նորացված Ընտրական օրենսգրքից»,- գրել է Թամար Ժվանիան։
Հավելենք, որ Ժվանիային ընդդիմությունը բազմիցս մեղադրել է 2020 թվականի խորհրդարանական ընտրությունները կեղծելու մեջ։
Տաթև Ֆռանգյան
