30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Թեժ գիծ՝ պատերազմի հետևանքով հոգեբանական խնդիրներ ունեցողների համար
Հասարակություն
29.06.2021 | 19:22
2020 թվականի սեպտեմբերի 27-ին Ադրբեջանի Հանրապետության կողմից սանձազերծված ռազմական գործողությունների հետևանքով առաջացած հոգեբանական խնդիրները մեղմելու նպատակով գործարկվել է հոգեբանական աջակցություն թեժ գծի ծառայություն, տեղեկացնում են ՀՀ Կառավարությունից:
Աջակցությունից կարող են օգտվել՝
1) անհետ կորած անձանց կամ ռազմագերիների ծնողները, ընտանիքի անդամները.
2) գերության մեջ գտնված անձինք, նրանց ընտանիքի անդամները.
3) ռազմական գործողությունների ընթացքում վիրավորում կամ հաշմանդամություն ստացած անձինք, նրանց ընտանիքի անդամները.
4) զոհված զինծառայողների կամ քաղաքացիական անձանց ընտանիքի անդամները.
5) ռազմական գործողություններին մասնակցած անձինք, այդ թվում՝ զորահավաքային զորակոչով ներգրավվածները և կամավորականները:
Անվճար հոգեթերապիայի սեանսներ ստանալու համար կարող են հերթագրվել կա՛մ զանգահարելով թեժ գծին՝ 060 834 777, կամ նամակ ուղարկելով հետևյալ էլհասցեին՝ [email protected], որից հետո համապատասխան մասնագետները կապ կհաստատեն դիմումատուի հետ:
Այն հոգեբանները, որոնք ունեն բարձրագույն հոգեբանական կրթության որակավորում՝ բակալավրի (առնվազն 3 տարվա մասնագիտական աշխատանքային փորձ) կամ մագիստրոսի (առնվազն 1 տարվա մասնագիտական աշխատանքային փորձ) կամ վերջինիս հավասարեցված աստիճան և ցանկանում են ներգրավվել սույն աշխատանքներում, կարող են իրենց հայտերն ուղարկել հետևյալ էլհասցեին՝ [email protected]
