05.06.2026 | 12:59
ՀՀ ԱԺ նախագահն ընդունել է Ֆրանկոֆոնիայի միջազգային կազմակերպության դիտորդական առաքելության պատվիրակությանը
ԳԱԱ նոր նախագահն առաջարկում է օպտիմալացնել ոլորտը. ՏԵՍԱՆՅՈՒԹ
Քաղաքականություն
29.06.2021 | 17:37
Գիտությունների ազգային ակադեմիայի նորընտիր նախագահ Աշոտ Սաղյանը ԳԱԱ արդեն նախկին նախագահ Ռադիկ Մարտիրոսյանի հետ համատեղ ասուլիսում ներկայացրեց առաջիկա ծրագրերն ու տեսլականը:
Անդրադառնալով ռազմարդյունաբերական բլոկին՝ Սաղյանն այն համարեց կարևոր խնդիր: «ԳԱԱ-ն արդյունավետ աշխատում է այդ ուղղությամբ: Իմ ռազմավարական խնդիրների մեջ այդ կետը կա: Աշխատանքները պետք է ակտիվացնել, բովանդակային իմաստով կանոնակարգել: Առաջին հերթին պետք է հասկանալ ռազմաարդյունաբերական կոմպլեքսի և պաշտպանության համակարգի, գիտահետազոտական գործունեության որ ուղղությունն է պետք առաջնահերթ: Դրանից հետո իրականացնել մոնիթորինգ՝ ակադեմիայի ինստիտուտներում առկա գիտահետազոտական խմբերում և որոշել, թե որ գիտնականների խումբը կարող է աշխատանքներ տանել տվյալ ուղղություններով»,-ասաց Սաղյանը:
Ակադեմիայի համակարգի գիտահետազոտական ուղղությունների ներուժի օպտիմալացումը Սաղյանի ծրագրի գլխավոր կետերից է: Այն նախատեսում է նաև օպտիմալացում՝ հենց ռազմաարդյունաբերական ուղղությամբ, պաշտպանության համակարգում: Նա կարևորեց նաև պետական միջոցների առկայությունը: «Խնդիրը դժվար է, մենք երկար ժամանակ ռազմական արդյունաբերությամբ չենք զբաղվել»,- նշեց Սաղյանը:
Գիտությունների ազգային ակադեմիայի նորընտիր նախագահի կարծիքով՝ ակադեմիան պետք է ունենա որոշիչ դեր՝ ծրագրերի կատարման հարցում:
Մանրամասները՝ տեսանյութում:
