01.03.2026 | 16:53
Իսրայելում Իրանի հրթիռային հարվածի հետևանքով զոհվել է 6 մարդ, վիրավորվել՝ 23-ը
ՌԴ-ում հայտնաբերված կորոնավիրուսի դեպքերի շուրջ 90 տոկոսը բաժին է ընկնում հնդկական շտամին
Քաղաքականություն
29.06.2021 | 16:43
Ռուսաստանում հայտնաբերված կորոնավիրուսի դեպքերի շուրջ 90 տոկոսը բաժին է ընկնում հնդկական շտամին։ Այս մասին հայտարարել է Գամաելի անվան համաճարակաբանության ու միկրոկենսաբանության գիտությունների ազգային ակադեմիայի տնօրեն Ալեքսանդր Գինցբուրգը, գրում է «ՌԻԱ Նովոստին»։
«Այժմ մենք գիտենք, որ մեր երկիրը COVID-19-ի դեմ արդյունավետ պատվաստանյութ ունի՝ «Սպուտնիկ V»-ն, որը պետք է առավելագույնս արագ ու լայնորեն կիրառել՝ համաճարակը կանգնեցնելու համար գոնե Ռուսաստանի տարածքում, քանի որ այս հիվանդությունը չափազանց նենգ է ու պարզապես թեթև ձևով դրանով հիվանդանալը դեռ չի նշանակում պաշտպանվել այդ հիվանդությունից»,- ընդգծել է Գինցբուրգը։
Նա նաև կոչ է արել կորոնավիրուսից բոլոր ապաքինվածներին պատվաստվել։ Դա թույլ կտա արյան մեջ հակամարմինների բարձր ցուցանիշ ունենալ, որոնք կչեզոքացնեն վիրուսը։
Տաթև Ֆռանգյան
