24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
Ռոսատոմը սկսում է «Կուդանկուլամ» ԱԷԿ-ի 5-րդ բլոկի շինարարությունը Հնդկաստանում
Տնտեսություն
29.06.2021 | 15:34
Հունիսի 29-ին տեղի ունեցավ «Կուդանկուլամ» ԱԷԿ-ի (Հնդկաստանի Հանրապետություն) 5-րդ էներգաբլոկի ռեակտորի շենքի հիմքի առաջին բետոնի լցման հանդիսավոր արարողությունը, որը նշանավորեց ատոմակայանի երրորդ փուլի կառուցման հիմնական շրջանի պաշտոնական մեկնարկը: Հակահամաճարակային սահմանափակումների պատճառով արարողությունն անցկացվեց տեսակոնֆերանսի ձևաչափով. տեղեկացնում են «Ռոսատոմ» պետկորպորացիայից:
Առաջին բետոնի տեղադրմանը նախորդել է երկարատև նախնական աշխատանք. ռեակտորի շենքի հիմքերի, կառավարման համակարգով օժանդակ ռեակտորային շենքի, տուրբինի և նորմալ շահագործման էլեկտրամատակարարման շենքերի, վթարային էլեկտրամատակարարման և կառավարման անվտանգության համակարգերի շենքի բետոնե նախապատրաստում:
«Երկար տարիներ «Կուդանկուլամ» ԱԷԿ-ի կառուցման նախագիծը Ռուսաստանի և Հնդկաստանի սերտ համագործակցության խորհրդանիշն է: Բայց մենք չենք սահմանափակվում արդեն ձեռք բերվածով: Ռոսատոմը տիրապետում է ատոմաէներգետիկական բոլոր առաջատար տեխնոլոգիաներին: Հնդիկ գործընկերների հետ միասին մենք պատրաստ ենք Հնդկաստանի նոր հարթակում համատեղ տեղակայել ամենաարդիական 3+ սերնդի ռուսական նախագծով ատոմային էներգաբլոկների սերիական կառուցումը: Դա նախատեսված է գործող պայմանագրերով», – արարողության ժամանակ ասաց Ռոսատոմի գլխավոր տնօրեն Ալեքսեյ Լիխաչյովը:
Ռուսաստանի ձեռնարկություններն արդեն արտադրում են առաջին գերակայության տեղադրման համար անհրաժեշտ սարքավորումները, ռեակտորի կայանի և 5-րդ բլոկի տուրբինային արտադրամասի սարքավորումները: Արդեն այսօր մինչև երկու տարի շինարարության հորիզոնում շինարարությունն ապահովված է աշխատանքային փաստաթղթերով:
2014 թ. ապրիլի 10-ին 3-րդ և 4-րդ բլոկների կառուցման մասին Ընդհանուր շրջանակային համաձայնագրի (GDS) ստորագրումից հետո հնդկական կողմի հետ բանակցություններ սկսվեցին «Կուդանկուլամ» ԱԷԿ-ի 5-րդ և 6-րդ բլոկների կառուցման շուրջ, որից հետո համաձայնություն ձեռք բերվեց որ այդ միավորները կառուցվելու են նույն նախագծի վրա, ինչ որ 3-րդ և 4-րդ բլոկները: 2017 թ. հունիսի 1-ին ընդունվեց «Կուդանկուլամ» ԱԷԿ-ի 5-րդ և 6-րդ բլոկների 2008 թվականի դեկտեմբերի 5-ի միջպետական համաձայնագրի վարկային արձանագրության փաթեթի ստորագրումը։
