26.04.2026 | 14:53
«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ
Ջո Բայդենը նշել է ՌԴ-ի և ԱՄՆ-ի ընդհանուր շահերը
Քաղաքականություն
29.06.2021 | 15:52
ԱՄՆ նախագահ Ջո Բայդենն անվանել է մի քանի ոլորտներ, որոնցում ԱՄՆ-ի ու Ռուսաստանի շահերը համընկնում են։ Այս մասին նա խոսել է Դեմոկրատական կուսակցության ազգային կոմիտեի դրամահավաքի միջոցառման ժամանակ ունեցած ելույթում, հայտնում է Սպիտակ տան մամուլի ծառայությունը:
«Ես Ռուսաստանի նախագահ Պուտինին հասկացրել եմ, որ Ամերիկայի և ՌԴ-ի միջև հարաբերությունները պետք է լինեն կայուն ու կանխատեսելի, մենք պետք է հնարավորություն ունենանք համագործակցել այնտեղ, որտեղ ունենք ընդհանուր շահեր՝ միջուկային զենքի չտարածումն ու կլիմայի փոփոխությունը»,- նշել է Բայդենը։
Ընդ որում, նա խոստացել է պատասխան քայլեր ձեռնարկել կիբերհարձակման ու ԱՄՆ-ի տնտեսությանը միջամտելու դեպքում։
«Մենք մրցում ենք 21-րդ դարի համար, թե ով է ունենալու ամենաուժեղ տնտեսությունը 21-րդ դարում: Մնացյալ աշխարհը ևս չի սպասում»,- ասել է ԱՄՆ նախագահը:
Նա շեշտել է, որ Չինաստանը նույնպես պետք է հավատարիմ մնա «վարքի նման կանոններին»:
Հիշեցնենք՝ Պուտինի ու Բայդենի բանակցությունները տեղի են ունեցել հունիսի 16-ին։
Տաթև Ֆռանգյան
