24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
ԱՄՆ-ը թույլ չի տա Իրանին միջուկային զենք ունենալ․ Ջո Բայդեն
Քաղաքականություն
29.06.2021 | 13:53
ԱՄՆ-ը թույլ չի տա Իրանին միջուկային զենք ստանալ։ Այս մասին հայտարարել է ԱՄՆ նախագահ Ջո Բայդենը Իսրայելի նախագահ Ռեուվեն Ռիվլինի հետ Սպիտակ տանը բանակցություններից առաջ։
«Իրանը երբեք չի ստանա միջուկային զենք իմ նախագահության օրոք»,- հայտարարել է Բայդենը՝ նշելով, որ Իրանի շուրջ ստեղծված իրավիճակը կքննարկի Ռիվլինի հետ։
Բայդենը հավելել է, որ հրաման է տվել ավիահարվածներ հասցնել Իրաքում և Սիրիայում Իրանի կողմից հովանավորվող խմբավորումների օբյեկտներին, որոնք հարձակվում են ամերիկացի զինծառայողների վրա։
Սպիտակ տան ղեկավարը նաև ընդգծել է, որ իր պարտավորությունն Իսրայելի հանդեպ «անփոփոխ է», և որ ինքն «անսասան նվիրված է հրեական պետության ինքնապաշտպանությանը»: Բայդենը, միաժամանակ, աջակցություն է հայտնել Աֆրիկայի և Մերձավոր Արևելքի երկրների հետ Իսրայելի հարաբերությունների կարգավորմանը:
Տաթև Ֆռանգյան
