27.11.2024 | 15:27
Համաձայն չեմ, որ Աննա Վարդապետյանն է ամեն ինչ որոշում. դատախազ․ ՏԵՍԱՆՅՈՒԹ
ՌԴ արտգործնախարարը փախստականների հարցերով ՄԱԿ-ի գերագույն հանձնակատարի հետ քննարկել է ԼՂ փախստականների ու ներքին տեղահանվածների վերադարձի հարցը
Քաղաքականություն
29.06.2021 | 10:55
ՌԴ արտգործնախարար Սերգեյ Լավրովը Մոսկվայում ընդունել է փախստականների հարցերով ՄԱԿ-ի գերագույն հանձնակատար Ֆիլիպո Գրանդիին, որն աշխատանքային այցով գտնվում է Ռուսաստանում։ Այս մասին ասված է ՌԴ ԱԳՆ-ի տարածած հաղորդագրության մեջ:
«Քննարկվել է փախստականների ու ներքին տեղահանվածների վերադարձի հարցը Լեռնային Ղարաբաղ ու դրա հարակից շրջաններ՝ Ռուսաստանի, Ադրբեջանի ու Հայաստանի ղեկավարների՝ 2020 թվականի նոյեմբերի 9-ի՝ հակամարտության գոտում ռազմական գործողությունների դադարեցման վերաբերյալ հայտարարության համաձայն»,- ասված է ՌԴ ԱԳՆ-ի հայտարարության մեջ։
Տեղեկացվում է, որ զրույցի ընթացքում կարծիքներ են փոխանակվել փախստականների, ներքին տեղահանվածների ու քաղաքացիություն չունեցող անձանց խնդիրների վերաբերյալ՝ հաշվի առնելով նաև COVID-19-ի համաճարակը։
Տաթև Ֆռանգյան
