18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Օտարերկրյա փաստաբանները կարող են ներկայացնել միջնորդություն․ անհրաժեշտ է Ադրբեջանի համաձայնությունը
Հասարակություն
28.06.2021 | 16:04
Օտարերկրյա փաստաբանները կարող են միջնորդություն ներկայացնել հայ ռազմագերիների պաշտպանության համար, բայց անհրաժեշտ է Ադրբեջանի համաձայնությունը: «Հայ ռազմագերիների վերադարձը՝ նրանց մեղադրանք առաջադրելուց հետո. ի՞նչ հնարավորություններ կան» թեմայով առցանց քննարկման ժամանակ նման կարծիք հայտնեց միջազգային իրավունքի մասնագետ Արա Ղազարյանը։
«Հայաստանում հաճախ են դատավարություններին մասնակցում օտարերկրյա փաստաբաններ: Տեսականորեն հնարավորություն պետք է լինի նաև Ադրբեջանում, չգիտեմ Ադրբեջանի օրենքներով դա արգելվում է, թե ոչ, բայց քանի որ Ադրբեջանը կեղծ գործեր է սարքել, և որպեսզի կեղծիքը ջրի երես դուրս չգա, բոլոր բանտարկյալներին պահում է իզոլացված, որպեսզի նրանք չշփվեն հասարակության հետ, քանի որ կպատմեն իրականությունը: Հնարավոր է պատմեն, որ իրենց նկատմամբ ճնշումներ ու բռնություններ են եղել, իսկ դա արդեն դատավարությունը դարձնում է անօրինական: Նման մեծ ռիսկի առաջ կանգնած լինելով՝ շատ քիչ է հնարավոր, որ Ադրբեջանի իշխանությունները թույլ կտան օտարերկրյա փաստաբաններ ներգրավել»,- նշեց Ղազարյանը: Նա նաև հավելեց, որ հնարավոր է որոշ իմիտացիա անեն, որ փաստաբաններ գնան Ադրբեջան, հանդիպեն մեղադրյալներին, որոնք նախօրոք ցուցումներ ստացած կլինեն՝ ինչ պետք է ասեն, և դրանով կավարտվի:
Մանրամասները՝ տեսանյութում:
