17.12.2025 | 12:45
Ավինյանի անունը հանել եմ, նույնաբովանդակ հաղորդում ներկայացրել, քրեական վարույթ է հարուցվել․ Չախոյան․ ՏԵՍԱՆՅՈՒԹ
Միայն «տելեգրամում» ունենք 1200 «նարկոշոփ», որտեղ 600-800 անձ թմրանյութ է փնտրում․ Ռուզաննա Երեմյան. ՏԵՍԱՆՅՈՒԹ
Հասարակություն
28.06.2021 | 13:42
«Տելեգրամ» հավելվածում կա 1200 «նարկոշոփ», յուրաքանչյուր «նարկոշոփում» 600-800 մարդ թմրանյութ է փնտրում: Այս մասին այսօր հրավիրված ասուլիսում հայտնեց «Միասին կարող ենք» ՀԿ նախագահ Ռուզաննա Երեմյանը:
«Հաշվի առնելով հետպատերազմյան իրավիճակը, հաշվի առնելով այն հանգամանքը, որ տեղեկատվությունը չափազանց հասանելի է դեռահասներին և այն, որ երեկոյան Երևանի որոշ փաբերում ու քլաբներում անչափահասների թիվը շատ մեծ է, մենք կարող ենք ասել, որ գործ ունենք ոչ թե կախվածության, այլ աղետի հետ: Այս վիճակագրությունը մտահոգվելու տեղիք է տալիս: Դա մեզ համար ազգային անվտանգության խնդիր է»,- նշեց Երեմյանը:
Նա նաև նկատեց, որ հայերն ունեն փակ ապրելու, տան դուռը թակող խնդիրների մասին չբարձրաձայնելու սովորություն, մինչդեռ եթե կախվածության խնդիրը չթաքցնեն, ճիշտ ժամանակին դիմեն հոգեբանին կամ բժշկին, հնարավոր կլինի խնդիրը կանխարգելել: Մասնագետի խոսքով՝ եթե դեռահասների ծնողները չիրազեկվեն և կախվածությունների մասին տաբուն պահեն, հետագայում լուրջ խնդիրներ ենք ունենալու:
Մանրամասները՝ տեսանյութում:
