Հասարակություն
28.06.2021 | 13:39Մեր կենտրոնի վիճակագրական տվյալների համաձայն՝ թմրամիջոցներից կախվածություն ունեցող հաշվառված դեռահաս կամ երեխա չկա: Այս մասին ասուլիսում նշեց ՀՀ առողջապահության նախարարության Կախվածությունների բուժման ազգային կենտրոնի տնօրեն, թմրաբանության գծով խորհրդատու Սուրեն Նազինյանը:
«Նկատելի է, որ հետդպրոցական շրջանում՝ 18-20 տարեկանների կողմից թմրամիջոցների գործածումն ավելացել է: Իհարկե մեր վիճակագրական տվյալները չեն արտահայտում ամբողջական պատկերը, դա պայմանավորված է նրանով, որ շատերը չեն դիմում բժշկական հաստատություններ՝ բուժում ստանալու»,- նշեց Նազինյանը:
Նա նաև հավաստիացրեց, որ Կախվածությունների բուժման ազգային կենտրոնում վերջին երկու տարվա ընթացքում աշխատանքներ են իրականացվել բուժման արժանապատիվ և բավարար պայմաններ ստեղծելու համար, ներդրվել է սոցիալ- հոգեբանական աջակցության ծառայություն:
Մանրամասները՝ տեսանյութում:
