16.12.2025 | 18:33
Դատարանի դահլիճում սպանության փորձ կատարելու դեպքով նախաձեռնված քրեական վարույթի նախաքննությունն ավարտվել է․ ՔԿ
Հնդկաստանը հավելյալ 50 հազար զինվորական է տեղակայել Չինաստանի հետ սահմանին․ Mint
Քաղաքականություն
28.06.2021 | 21:25
Հնդկաստանը վերջին ամսիներին հավելյալ 50 հազար զինվորական է տեղակայել Չինաստանի հետ սահմանին՝ այս տարածաշրջանում իր դիրքերն ամրապնդելու համար։ Այս մասին հայտնում է Mint-ը՝ վկայակոչելով սեփական աղբյուրներին։
Պարբերականի տվյալներով՝ երկրի Պաշտպանության նախարարությունը զորքերը և ռազմաօդային ուժերի ստորաբաժանումները տեղակայել է 3 սահմանապահ շրջաններում։ Ընդհանուր առմամբ, ՉԺՀ-ի սահմանին այս պահին կենտրոնացված է շուրջ 200 հազար հնդիկ զինծառայող, ինչը, թերթի տվյալներով, 40%-ով ավելի է անցյալ տարվա համեմատ։
Լրատվականի աղբյուրները նաև հայտնել են, որ ՉԺՀ-ն ևս վերջերս հավելյալ ուժեր է կուտակել Սինցզյանի ռազմական հրամանատարության ներքո, որը պատասխանատու է Հնդկաստանի հետ սահմանին՝ Հիմալայների նախալեռնային շրջաններում վիճելի տարածքների վերահսկողության համար։ Չինաստանը սահմանային շրջաններում բունկերներ ու թռիչքուղիներ է կառուցում, նշում է աղբյուրը։
Նշվում է, որ այս կապակցությամբ պաշտոնական տեղեկություններ դեռևս չկան։
Տաթև Ֆռանգյան
