01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Հռոմի պապը վերհիշել է Հայաստան կատարած այցն ու խաղաղություն մաղթել տարածաշրջանին
Քաղաքականություն
25.06.2021 | 13:55
Հունիսի 24-ին Հռոմի պապ Ֆրանցիսկոսը, Վատիկանում դիմելով ROACO կրոնական կազմակերպության անդամներին, որը զբաղվում է Արևելյան կաթոլիկ եկեղեցիներին օգնություն տրամադրելով, հիշել է 2016 թվականին Հայաստան կատարած այցը, և թե ինչպես է Ն.Ս.Օ.Տ.Տ. Գարեգին Բ Ամենայն հայոց կաթողիկոսի հետ Խոր Վիրապում աղավնիներ բաց թողել երկինք՝ «իբրև խաղաղության մաղթանք Կովկասի ողջ տարածաշրջանին»։ Այս մասին գրում է Vatican news-ը:
«Դժբախտաբար, այս տարածաշրջանը վերջին ամիսներին նորից վիրավորվեց: Հետևաբար, ես շնորհակալություն եմ հայտնում ձեզ այն ուշադրության համար, որ հատկացրել եք Հայաստանին և Վրաստանին, որպեսզի կաթոլիկ համայնքը շարունակի ավետարանական կյանքի նշան և խթան մնալ»,- ամփոփել է Ֆրանցիսկոս պապը:
Հռոմի պապը նաև կոչ է արել ականջալուր լինել «աշխարհի շատ կողմերից լսվող ճիչերին, հատկապես՝ այն եկեղեցիների և երկրների կողմից, որոնց համար աշխատում եք»։
Տաթև Ֆռանգյան
