11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ԵՄ ղեկավարները չեղարկել են Պուտինի հետ բանակցություններ վարելու առաջարկը
Քաղաքականություն
25.06.2021 | 15:37
Եվրամիության անդամ երկրների ղեկավարները Բրյուսելում գագաթնաժողովի ժամանակ չեղարկել են Գերմանիայի ու Ֆրանսիայի առաջարկը՝ պաշտոնական բանակցություններ վարել ՌԴ նախագահ Վլադիմիր Պուտինի հետ։ Այս մասին հայտնում է Bloomberg-ը։
Եվրոպացի դիվանագետները նշել են, որ Գերմանիայի կանցլեր Անգելա Մերկելի ևւ Ֆրանսիայի նախագահ Էմանուել Մակրոնի առաջարկը բացառվել է ԵՄ գագաթնաժողովի եզրափակիչ կոմյունիկեից երկար բանակցություններից հետո։
Մեկ այլ դիվանագետի խոսքով՝ Արևելյան Եվրոպայի որոշ երկրներ քննարկումների ժամանակ նախազգուշացրել են, որ պատրաստ են վետո դնել այդ փաստաթղթի վրա։ Եվս մեկ աղբյուրի խոսքով՝ շուրջ մեկ տասնյակ ԵՄ անդամ պետություններ հասկացրել են, որ իրենց դուր չի գալիս կա՛մ բուն գաղափարը, կա՛մ վերջին պահին այն առաջարկելու հանգամանքը։
Անգելա Մերկելը հայտարարել է, որ կմշակվեն Ռուսաստանի հետ բանակցությունների այլ ձևաչափեր ու պայմաններ, սակայն ո՛չ առաջնորդների մակարդակով, օրինակ՝ Եվրահանձնաժողովի ղեկավար Ուրսուլա ֆոն դեր Լյայենի ու Եվրախորհրդարանի ղեկավար Շառլ Միշելի հանդիպում ՌԴ ղեկավարության հետ։
Տաթև Ֆռանգյան
