19.11.2024 | 11:25
Թբիլիսիում ընդդիմությունը պատրաստվում է վերսկսել բողոքի ցույցերը դրանք ցրելուց հետո
Խաժակյանին ասացի՝ ՔՊ-ն ու «Հայաստան»-ը վերցնելու են ձայների 75 տոկոսը, մնացած ձայները փոշիանալու են. ՏԵՍԱՆՅՈՒԹ
Քաղաքականություն
24.06.2021 | 11:43
Ընտրությունները վերածվել են հանրաքվեի, մարդիկ վերահաստատել են հեղափոխությունը, ձայն են տվել գործող իշխանությանը՝ նախկինների վերադարձը թույլ չտալու համար: «Լուսավոր Հայաստան» կուսակցության նախագահ Էդմոն Մարուքյանն այս տեսակետը հայտնեց այսօր հրավիրված ասուլիսում:
«Իրականում ժողովուրդը մեր գաղափարները շատ լավ ընդունեց: Սակայն մի բան է ընդունել, մի բան է՝ գնալ քվեարկել դրա համար: Քվեարկությունը տեղի է ունենում որոշակի համակրանքների, վախերի արդյունքում: Սա խորհրդարանի ընտրություն չդարձավ: Վերջին պահին դա դարձավ հանրաքվե: Գործող և նախկին իշխանության բարձրախոսներն ավելի ուժեղ էին, քան մերը, մեր ձայնն այդ արանքում խլացվեց: Իսկ այդ բարձրախոսներով ինչ էր ասվում. նրանք ասում էին՝ հեղափոխությունը վատ է, սխալ է եղել, այս կողմից ասում էին՝ լավ է, շարունակելու ենք հեղափոխությունը: Քանի որ մեր ժողովուրդն արել է այդ հեղափոխությունը, և մոտ 90 տոկոսը մասնակցել է հեղափոխությանը՝ սփյուռքում, Հայաստանում, բնականաբար, ժողովուրդը պետք է վերահաստատեր, դա ակնհայտ էր: Մարդիկ գնացին և վերահաստատեցին հեղափոխությունը»,-ասաց Մարուքյանը:
Ըստ նրա՝ պատերազմը և հեղափոխությունն իրար հետ որևէ կապ չունեն, նախկին իշխանությունը փորձել է հեղափոխությունը կապել պատերազմի պարտության հետ, բայց դրանց կապը չկա: «Փաստ չկա, որ դրանք իրար հետ կապ ունեն: Եվ ժողովուրդն էլ իր քվեարկությամբ ցույց տվեց, որ դրա կապը չկա: Մարդիկ Նիկոլ Փաշինյանին մեղադրելով, նրանից դժգոհ լինելով էլ անգամ՝ նրան ընտրեցին, որ նախկին իշխանությունները չգան»,- ասաց Մարուքյանը:
Մարուքյանը համոզված է, որ մինչև քվեարկությունից առաջ վերջին 3 օրը ԼՀԿ-ն ունեցել է անցողիկ տոկոսներ: Այդ ամեն ինչը փոխվել է վերջին երկու օրվա մեջ՝ վախերի տակ: Նրա խոսքով՝ «Հայաստան» դաշինքի հանրահավաքը տեսնելուց հետո՝ շատ մարդիկ մտածել են, թե նախկին իշխանությունը կարող է հետ գալ և փոխել են իրենց որոշումը, ձայնը տվել իշխանությանը: Մարուքյանի խոսքով՝ այս մասին քաղաքացիները բարձրաձայնել են, օրինակ, իրենց Եղեգնաձորի գրասենյակում:
Նա հիշեցրեց՝ նախկին իշխանության ներկայացուցիչներին՝ Սերժ Սարգսյանին, Ռոբերտ Քոչարյանին կոչ է արել մի կողմ քաշվել, այլապես գործող իշխանությունը վերընտրվելու է:
«Ընդդիմության հանրահավաքից հետո, ես Դավիթ Խաժակյանին ասացի՝ ՔՊ-ն ու «Հայաստան»-ը վերցնելու են ձայների 75 տոկոսը, մնացած ձայները փոշիանալու են»,-նշեց Մարուքյանը:- Զարգացումները եկան, հասան այն կուլմինացիային, որ մարդկանց մեջ մի վախ մտավ, որ նրանք գալիս են, իսկ ես միշտ ասել եմ, որ գալու հնարավորություն չունեն, կարող են ընդամենը մի լավ խմբակցություն ունենալ»:
Մանրամասները՝ տեսանյութում:
