03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
2.9 ցենտ` մեկ կիլովատտ էլեկտրաէներգիայի համար. ՏԵՍԱՆՅՈՒԹ
Քաղաքականություն
24.06.2021 | 11:37
Արագածոտնի մարզում դեռևս 3 տարի առաջ նախագծված 200 ՄՎտ դրվածքային հզորությամբ արևային կայանի վերջնական կառուցումը կհետաձգվի 2 տարով։
2020 թվականի դեկտեմբերի 3-ին ընդունված որոշման համաձայն՝ Արագածոտնի մարզի Թալին և Դաշտադեմ համայնքների վարչական տարածքներում պետք է կառուցվեր «Այգ-1» 200 ՄՎտ դրվածքային հզորությամբ արևային ֆոտովոլտային կայան։
Կայանի կառուցման նպատակով ՀՀ կառավարության հայտարարած մրցույթին մասնակցել են երեք ընկերություններ՝ հաղթող է ճանաչվել Արաբական Միացյալ Էմիրություններում գրանցված «Abu Dhabi Future Energy»–ն, որը ներկայացրել է ամենացածր սակագնային առաջարկը` 1ԿՎտ էլեկտրաէներգիայի համար՝ 2.9 ցենտ։
ՀՀ կառավարության այսօրվա նիստում վերանայվեց կայանի կառուցման վերաբերյալ ընդունված որոշումը։ Նախորդ որոշմամբ կառուցապատողի հետ պայմանագրի ստորագրումից հետո նրան տրվում էր 180 օր ֆինանսական ամփոփման համար։ Բայց, ինչպես հայտնեց ՀՀ փոխվարչապետ Տիգրան Ավինյանը, մրցույթում հաղթող ճանաչված ընկերությունը խնդրել է այդ ժամկետն ավելացնել շուրջ 3 անգամ` 180-ի փոխարեն սահմանելով 545 օր։ Կայանքը գործարկվելու է 2025թ-ին։
Ավինյանի խոսքով՝ բավական խոշոր ներդրումային ծրագիր է, մոտավորապես 174 մլն դոլարի։
Մանրամասները՝ տեսանյութում:
