30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Ավինյանը՝ Օձունի համայնքապետի ծեծի դեպքի մասին. ՏԵՍԱՆՅՈՒԹ
Քաղաքականություն
23.06.2021 | 16:01
Այսօր առավոտյան եմ տեղեկացել այդ դեպքի մասին, մանրամասներից տեղյակ չեմ: Այս մասին այսօր՝ հունիսի 23-ին, լրագրողների հետ զրույցում նշեց ՀՀ փոխվարչապետի պաշտոնակատար Տիգրան Ավինյանը՝ անդրադառնալով շրջանառվող տեղեկությանը՝ Օձունի համայնքապետին ծեծի ենթարկելու մասին.
«Ես կարող եմ վերահաստատել, որ 2018թ. մեր կողմից բարձրաձայնած բռնության անթույլատրելիության վերաբերյալ սկզբունքը չի փոխվել:
Իսկ դեպքի մանրամասներից քանի որ տեղյակ չեմ, հավելյալ որևէ բան չեմ կարող ասել»,- նշեց Ավինյանը:
Հիշեցնենք, ինչպես հաղորդել էինք երեկ, Օձունի համայնքապետը Ոստիկանությունում հաղորդում էր տվել իր նկատմամբ կատարված հանցագործության վերաբերյալ, իսկ ավելի վաղ հայտարարություն էր տարածել «Հայաստան» դաշինքը՝ պնդելով, որ բոլոր իրենց համախող համայնքապետերին սպառնալիքներով հորդորում են ինքնակամ հրաժարական տալ, և նման պահանջ է դրվել նաև Օձունի համայնքապետ Արսեն Տիտանյանի առջև։ Ըստ հայտարարության՝ երբ նա հրաժարվել է կատարել մարզպետի պահանջը, հենց մարզպետարանի շենքում ծեծի է ենթարկվել։
Մանրամասները՝ տեսանյութում:
