26.04.2026 | 14:53
«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ
NASA-ի ուղղաթիռն 8-րդ թռիչքն է կատարել Մարսի վրա
Քաղաքականություն
23.06.2021 | 21:39
NASA Ingenuity մինի-ուղղաթիռն 8-րդ թռիչքն է իրականացրել Կարմիր մոլորակի վրա։ Այս մասին հայտնում է Space.com-ը։
Նշվում է, որ հունիսի 21-ին ուղղաթիռն օդում մնացել է 77,4 վայրկյան՝ թռչելով 160 մետր։ Դրանից հետո այն վայրէջք է կատարել Perseverance մարսագնացից մոտավորապես 133,5 մետր հեռավորության վրա։
Այս պահին սարքավորումը մի վայրից մեկ այլ վայր է տեղափոխվում, որպեսզի ստուգի նավիգացիոն համակարգի աշխատանքը։ Ingenuity-ի նախորդ՝ 7-րդ թռիչքը տեղի է ունեցել հունիսի 8-ին։
Չնայած մարսագնաց ուղղաթիռն ի սկզբանե պետք է 5 թեստային թռիչք իրականացներ, սակայն դրա հաջողությունները NASA-ին դրդել են ընդլայնել առաքելությունը։ Պարբերականի տվյալներով՝ այն կարող է շարունակել Կարմիր մոլորակի հետազոտությունը ևս մի քանի ամիս։
Հիշեցնենք, որ Ingenuity մինի-ուղղաթիռը Մարս է ժամանել Perseverance ռովերի հետ: Նա առաջին փորձնական թռիչքը կատարել է ապրիլի 19-ին՝ օդում մնալով 30 վայրկյան։
Տաթև Ֆռանգյան
