19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
Ոչ միայն եղել եմ ՔՊ գրասենյակում, այլև հանդիպել եմ Ծառուկյանի, Մարուքյանի, Բաբայանի և այլոց հետ. ՏԵՍԱՆՅՈՒԹ
Քաղաքականություն
23.06.2021 | 14:18
«Լիովին սխալ են մեկնաբանել իմ այցը «Քաղաքացիական պայմանագրի» գրասենյակ: Ամենայն պատասխանատվությամբ հայտարարում եմ, որ եղել եմ ոչ միայն ՔՊ-ի գրասենյակում, այլ հանդիպումներ եմ ունեցել հետընտրական Գագիկ Ծառուկյանի, Հրանտ Բագրատյանի, Արամ Սարգսյանի, Էդմոն Մարուքյանի, Սամվել Բաբայանի և այլոց հետ: Ընդ որում, ես պահպանել եմ չեզոքությունը և միայն քվեարկությունից հետո եմ հանդիպումներ ունեցել: Պարզապես միայն ՔՊ գրասենյակում են լրագրողներն ինձ հանդիպել: Այս մասին հունիսի 22-ին Արցախի Վերածննդի հրապարակում ասել է Արցախի Հանրապետության նախագահ Արայիկ Հարությունյանը՝ հրապարակային ուղերձով դիմելով արցախահայությանը:
«Ինչ վերաբերում է իմ ուղերձին՝ ուղղված վարչապետին, ապա ես հաջողություն մաղթել եմ Հայաստանի իշխող և ողջ ընդդիմադիր քաղաքական ուժերին: Պետք չէ շահարկել այսպիսի քայլերը և պետք չէ տրվել մանիպուլյացիաների ու սադրանքների»,- նշել է Հարությունյանը:
Նա նաև ընդգծել է, որ Արցախը եղել և մնալու է հայությանը միավորող գործոն, անկախ նրանից, թե որքան բազմազան է հայկական քաղաքական դաշտը և թե որ ուժն է մայր Հայաստանում եկել իշխանության:
Մանրամասները՝ տեսանյութում:
