31.07.2026 | 12:25
«Բավարիան» 15 գոլ է խփել ընկերական խաղում. ՏԵՍԱՆՅՈՒԹ
Բաքվում տեղի է ունեցել Արցախյան պատերազմին մասնակցած ՌԴ քաղաքացու դատավարությունը
Քաղաքականություն
23.06.2021 | 14:03
Բաքվի ծանր հանցագործությունների դատարանում այսօր տեղի է ունեցել ՌԴ քաղաքացի Էդուարդ Դուբակովի նկատմամբ հարուցված շինծու քրեական գործով դատավարությունը։ Ըստ ադրբեջանական կողմի՝ Դուբակովը Արցախյան պատերազմին մասնակցել է հայկական կողմից։
Տեղական լրատվամիջոցների փոխանցմամբ՝ նիստը տեղի է ունեցել դատավոր Սամիրա Ալիևայի նախագահությամբ, ճշտվել են Դուբակովի անձնական տվյալները։ Նրան ներկայացրել են իր իրավունքները ու հայտնել, որ փաստաբան են տրամադրելու։
Հաջորդ դատական նիստը նշանակվել է հունիսի 30-ին։
Հիշեցնենք, որ Բաքուն ՌԴ քաղաքացի Դուբակովի նկատմամբ քրեական գործ է հարուցել 214․-3․1 (ահաբեկչություն, ահաբեկչության ֆինանսավորում), 218․2 (մասնակցություն հանցավոր կազմակերպությանը, խմբավորմանը), 318․2 (պետական սահմանի անօրինական հատում) հոդվածներով։
Էմմա Չոբանյան
