13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
ՌԴ-ն կարող է ժամանակավորապես արգելել բենզինի արտահանումը
Քաղաքականություն
23.06.2021 | 15:32
ՌԴ փոխվարչապետ Ալեքսանդր Նովակը Էներգետիկայի նախարարությանը հանձնարարել է դիտարկել բենզինի արտահանման ժամանակավոր արգելք սահմանելու նպատակահարմարությունը։ Նախարարների կաբինետի մամլո ծառայության հաղորդմամբ՝ նման որոշում կարող է ընդունվել՝ հաշվի առնելով այս տարվա 3-րդ կիսամյակում նավթամթերքի շուկայում իրավիճակը, գրում է EusAsia Daily-ն։
Հարկ է նշել, որ ավելի վաղ նախարարությունն առաջարկել էր 3 ամսով սահմանափակել Ռուսաստանից վառելիքի արտահանումը՝ ներքին շուկան կայունացնելու ու գնաճ թույլ չտալու համար։
Ապրիլի կեսերին Նովակն առաջին անգամ հայտնել է նավթամթերքի արտահանման ժամանակավոր արգելք մտցնելու կառավարության ծրագրի մասին։
«Անհրաժեշտ է հավելյալ քայլեր ձեռնարկել մեծածախ շուկայում գների կայունացման համար։ Ռուսաստանի էներգետիկայի նախարարությունը, հաշվի առնելով նավթամթերքի շուկայում տիրող իրավիճակը, նախատեսում է դիտարկել 2021 թվականի երրորդ եռամսյակում բենզինի արտահանման ժամանակավոր արգելք սահմանելու հնարավորությունը»,- ասված է նավթային ընկերությունների հետ փոխվարչապետի խորհրդակցության արդյունքներով տարածված հայտարարության մեջ։
Տաթև Ֆռանգյան
