19.11.2024 | 10:29
Նավթի գներն աճել են
Գաղտնալսողի անունը Նիկոլ Փաշինյանը պետք է հայտարարի, գործը բացահայտված է. Արթուր Վանեցյան. ՏԵՍԱՆՅՈՒԹ
Քաղաքականություն
23.06.2021 | 13:40
2018թ. համացանցում տարածվեցին հեռախոսազրույցների ձայնագրություններ, որոնցում Հայաստանի վարչապետը, Ազգային անվտանգության ծառայության տնօրենը և Հատուկ քննչական ծառայության պետը քննարկում են Մարտի 1-ի գործը։
Երբ Նիկոլ Փաշինյանի, Սասուն խաչատրյանի և Ձեր մասնակցությամբ այդ ձայնագրությունները հրապարակվեցին, դուք կառավարությունում լրագրողների հետ զրույցում նշեցիք, որ հայտնի է, թե ով է պատվիրատուն. հիմա ի՞նչն է խանգարում, որ չեք հրապարակում գաղտնալսման պատվիրատուի անունը: Այսօր՝ հունիսի 23-ին, մամուլի ասուլիսի ժամանակ «Պատիվ ունեմ» դաշինքի վարչապետի թեկնածու, ԱԱԾ նախկին տնօրեն Արթուր Վանեցյանն անդրադարձավ նաև այս հարցին:
«Ինձ ոչ մի բան չի խանգարում, ինձ խանգարում է ներքին բարոյականությունը: Եթե ես հրապարակեմ այդ անունը, ճիշտ չի լինի, պետք է հրապարակի պետությունը, իրավապահ համակարգը, Նիկոլ Փաշինյանը: Այդ գործը բացահայտված է, այդ մասին խոսել է նաև Քննչական կոմիտեի նախագահը, թող հրապարակեն»,- նշեց Վանեցյանը:
Մանրամասները՝ տեսանյութում:
