06.02.2026 | 19:45
Գույքահարկը հասավ իր պիկին․ ինչքան եք վճարելու 2026-ին․ ՏԵՍԱՆՅՈՒԹ
ԱՄՆ-ն արգելափակել է մի քանի տասնյակ իրանական լրատվական կայքեր
Քաղաքականություն
23.06.2021 | 16:30
ԱՄՆ-ն արգելափակել է մի քանի տասնյակ իրանական և Իրանի հետ կապ ունեցող լրատվական կայքեր՝ դրանց մեղադրելով ապատեղեկատվություն տարածելու մեջ, գրում է BBC news-ը։
Երեքշաբթի շատ կայքեր դարձել են անհասանելի։ Ծանուցագրերում նշվում է, որ դրանք արգելափակվել են ԱՄՆ-ի՝ ՀԴԲ-ի և Առևտրի դեպարտամենտի կողմից։
Արգելափակված լրատվամիջոցների թվում են Իրանի պետական Press TV-ն, ինչպես նաև Ալ-Մասիրա հեռուստաալիքը, որը ղեկավարվում է Եմենում Իրանին հարող «Հութի» ապստամբ շարժման կողմից:
BBC News-ը նկատում է, որ լրատվամիջոցների կայքերի արգելափակումը տեղի է ունեցել ԱՄՆ-ի և Իրանի միջև միջուկային ծրագրի շուրջ բանակցություններում լարվածության ֆոնին։
Reuters-ի հաղորդմամբ էլ՝ ԱՄՆ Արդարադատության նախարարությունը հայտարարել է, որ արգելափակել է իրանական 33 կայքեր, որոնք օգտագործվում են Իրանի իսլամական ռադիոյի և հեռուստատեսության միության (IRTVU) կողմից, ինչպես նաև երեք կայքեր, որոնք վերահսկվում են իրանամետ «Քաթաիբ Հըզբալլահ» խմբավորման կողմից։ Նշվում է, որ բոլոր լրատվական կայքերն արգելափակվել են դատարանի որոշմամբ։
Տաթև Ֆռանգյան
