07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
ՀԱՊԿ-ը պատրաստ է իր միջոցառումներում ընդլայնել ԵԱՀԿ ներկայացուցիչների մասնակցությունը
Քաղաքականություն
22.06.2021 | 14:13
Հավաքական անվտանգության պայմանագրի կազմակերպությունը (ՀԱՊԿ) պատրաստ է ընդլայնել ԵԱՀԿ ներկայացուցիչների մասնակցությունն իր միջոցառումներում։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը ԵԱՀԿ գլխավոր քարտուղար Հելգա Շմիդտի հետ կազմակերպության քարտուղարություն այցելությունից հետո, գրում է ՏԱՍՍ-ը։
«Մենք մտադիր ենք հետագայում ևս նման բարձր մակարդակով հանդիպումներ անցկացնել։ Պետք է ընդլայնել մասնակցությունը միմյանց միջոցառումներում։ Մենք պատրաստ ենք ընդլայնել ԵԱՀԿ ներկայացուցիչների մասնակցությունը մեր միջոցառումներում՝ և՛ ռազմական, և՛ այլ ոլորտներում»,- ասել է Զասը։
Նա նշել է, որ ՀԱՊԿ-ն ու ԵԱՀԿ-ն զբաղվելու են համագործակցության ամրապնդմամբ սահմանների պաշտպանության ու կիբերանվտանգության դեմ պայքարի ոլորտներում։
«Այսօր բարձրաձայնվել է այլ որորտներում համագործակցության զարգացման անհրաժեշտության մասին՝ սահմանների պաշտպանություն, կիբերհանցագործությունների դեմ պայքար՝ որպես արդիական թեմա, որով մենք արդեն զբաղվում ենք։ Կան նաև նոր առաջարկներ»,- ասել է Ստանիսլավ Զասը։
Էմմա Չոբանյան
