30.10.2026 | 18:02
Վրաստանն ու Ադրբեջանը պայմանավորվել են արագացնել սահմանի սահմանազատման գործընթացը
Քոչարյանը` մանդատները վերցնելու մասին. ՏԵՍԱՆՅՈՒԹ
Քաղաքականություն
22.06.2021 | 11:34
Մանդատները վերցնել կամ չվերցնելու վերաբերյալ «Հայաստան» դաշինքում դեռ վերջնական որոշում չունենք: Լրագրողների հետ հանդիպմանն այս մասին ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
«Երեկ քննարկման ժամանակ Սեյրան Օհանյանը մի համեմատություն արեց, ասաց, որ մարտական գործողությունների ժամանակ, եթե ամբողջական խնդիրը չի լուծվում, բայց դու վերցնում ես ինչ-որ խրամատներ, ապա պետք է անպայման այդ խրամատները ոչ թե պահես, այլ նաև ամրացնես հետագա գրոհի համար։ Հիմա պատերազմ չի, բայց քաղաքական պայքար է և այդ համեմատությունը միգուցե ավելի մեղմ տերմիններով կարելի է կիրառել այս պարագայում։
Համարում եմ, որ մենք ստացել ենք մեր պայքարը շարունակելու համար շատ լուրջ, նոր հնարավորություններ: Տրամադրված ենք շարունակելու պայքարը և խորհրդարանական պայքարը միայն կարող է ուժեղացնել, այլ ոչ թե փոխարինելու է փողոցային պայքարին»,- նշեց Քոչարյանը՝ հավելելով,որ այս ընտրություններն էապես փոխեցին քաղաքական լանդշաֆտը։
Մանրամասները՝ տեսանյութում:
