09.06.2026 | 00:17
Մարկո Ռուբիոն շնորհավորել է Փաշինյանին
ՄԱԿ-ի մարդու իրավունքների հարցերով գերագույն հանձնակատարը քննադատել է ՌԴ իշխանություններին
Քաղաքականություն
21.06.2021 | 23:01
Միավորված ազգերի կազմակերպության մարդու իրավունքների պաշտպանության հարցերով գերագույն հանձնակատար Միշել Բաչելեթը երկուշաբթի քննադատել է Ռուսաստանին՝ Կրեմլի քննադատ Ալեքսեյ Նավալնիի հետ կապեր ունեցող խմբերի գործունեությունն արգելելու եւ նրանց որպես «ծայրահեղականներ» պիտակավորելու համար: Նա Մոսկվային է հղել հիմնարար քաղաքացիական և քաղաքական ազատություններ ապահովելու կոչ, հաղորդում է Ամերիկայի Ձայնը:
«Խոսքի եւ խաղաղ հավաքների ազատությունները կրճատելու օրենսդրությունը պետք է համապատասխանեցվի մարդու իրավունքների միջազգային չափանիշների հետ», ասել է Բաչելեթը Մարդու իրավունքների խորհրդում:
«Ռուսաստանի իշխանություններին հորդորում եմ դադարեցնել անհատներին, լրագրողներին և հասարակական կազմակերպություններին «ծայրահեղականներ», «օտարերկրյա գործակալներ» կամ «անցանկալի կազմակերպություններ» պիտակավորելու կամայական պրակտիկան»,- ասել է նա Ժնևի ֆորումի ժամանակ:
