09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Ասվել է՝ «դիմումը գրի-գնա». հավանաբար, ազատվել է նախարար Աշոտ Մանուկյանի հրաժարականի դիմումի փաստը հաստատելու պատճառով. «Հրապարակ»
28.02.2018 | 09:44
«Հրապարակ» թերթը գրում է.
Փետրվարի 1-ից էներգետիկայի նախարարության մամլո խոսնակ Վասակ Թարփոշյանն ազատվելու դիմում է գրել, խոսնակի ժամանակավոր պաշտոնակատարը ԴԱՀԿ նախկին խոսնակ, էներգետիկայի նախարարության լրատվական բաժնի պետ Ռիմա Եգանյանն է:
Թարփոշյանը խուսափում է խոսել, չի պատասխանում զանգերին, իսկ նախարարությունից տեղեկացանք. «Վասակն ասել է` իրեն ասվել է, որ դիմում գրի-գնա. պատճառը չի ասվել»,-բայց, հավանաբար, ազատվել է նախարար Աշոտ Մանուկյանի հրաժարականի դիմումի փաստը հաստատելու պատճառով:
Ի դեպ, մեր աղբյուրները պնդում են, որ Մանուկյանը կպաշտոնավարի նաև ապրիլից հետո, այս փուլում դժվար թե նախարարը փոխվի: Իսկ Վասակ Թարփոշյանին անաշխատանք չեն թողել՝ նա տեղափոխվել է ՋԷԿ, տնօրենի խորհրդականի թե օգնականի կարգավիճակով:
Առավել մանրամասն՝ թերթի այսօրվա համարում:
