07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Լեհաստանը թուրքական ԱԹՍ-ներ կուղարկի ՆԱՏՕ-ի արևելյան սահմանները պաշտպանելու համար
Քաղաքականություն
20.06.2021 | 09:49
Լեհաստանի արտաքին գործերի նախարար Էբիգնև Ռաուն ասել է, որ թուրքական Bayraktar TB2 անօդաչու սարքը կբարելավի լեհական բանակի ներուժն ու կամրապնդի ՆԱՏՕ-ի արևելյան սահմանները․ գրում է ria.ru-ն։
Մայիսին Լեհաստանի ազգային պաշտպանության նախարար Մարիուշ Բլաշակը հայտարարել էր, որ իր երկիրը Թուրքիայից գնում է 24 Bayraktar անօդաչու թռչող սարք:
«Մենք վստահ ենք, որ այն (անօդաչու թռչող սարքը) կբարելավի լեհական բանակի ներուժը և թույլ կտա ամրապնդել ՆԱՏՕ-ի արևելյան սահմանները», – ասել է Ռաուն Անտալիայում կայացած Դիվանագիտական ֆորումի շրջանակներում Anadolu- ին տված հարցազրույցի ժամանակ:
Արտաքին գործերի նախարարը նաև հավելել է, որ ինչպես Թուրքիան, այնպես էլ Լեհաստանը բախվում են «անվտանգության սպառնալիքներին իրենց սահմաններում»:
Արտաքին գործերի նախարարի խոսքով ՝ միայն Արևմտյան Բալկանների և Թուրքիայի անդամակցությունը Եվրամիությանը կապահովի համագործակցության լիարժեք զարգացում ՝ Եվրոպայում կայունություն և բարգավաճում ապահովելու համար:
Հարցազրույցի ընթացքում Ռաուն նշել է նաև, որ Անկարան և Վարշավան քննարկում են Վրաստանի և Ուկրաինայի հետ ՆԱՏՕ-ի համագործակցության ամրապնդման ուղիները:
