16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Լևոն Արոնյանը ոչ-ոքի է խաղացել ադրբեջանցի Թեյմուր Ռաջաբովի հետ. Փարիզի մրցաշար
20.06.2021 | 08:45
Ֆրանսիայի մայրաքաղաք Փարիզում այսօր մեկնարկել է արագ շախմատի միջազգային խոշոր մրցաշար, որին մասնակցում են 10 գրոսմայստեր, այդ թվում Լևոն Արոնյանը:
Մեր շախմատիստն առաջին տուրում հանդիպեց ադրբեջանցի Թեյմուր Ռաջաբովի հետ: Լևոն արոնյանը հավերժական շախի միջոցով սպիտակներով խաղացող մրցակցին ստիպեց հաշտություն կնքել: Այնուհետև նա միավորը կիսեց աշխարհի փոխչեմպիոն Ֆաբիանո Կարուանայի հետ, ապա հաղթեց ֆրանսիացի Էտյեն Բակրոյին: Չորրորդ պարտիայում Լևոն Արոնյանը ոչ-ոքի խաղաց հունգարացի Ռիչարդ Ռապորտի հետ, իսկ 5-ում պարտվեց աշխարհի չեմպիոնի հավակնորդ Յան Նեպոմնյաշչուն: Օրվա վերջում մեր շախմատիստը միավորը կիսեց Վեսլի Սոյի հետ:
Կայացած 6 տուրից հետո աղյուսակը 7-ական միավորով գլխավորում են Կարուանան, Նոպեմնյաշչին ևՍոն:
Լևոն Արոնյանը 6 միավորով կիսում է 4-8-րդ տեղերը:
Վաղը կկայանան աչագ շախմատի վերջին երեք տուրերը: Այնուհետեև կմեկնարկի կայծակնային շախմատի մրցաշարը, որն արդեն կանցկացվի երկու շրջանով:
