18.12.2025 | 16:16
Նախարարի հրամանով ԶՈՒ ողջ անձնակազմը պարգևավճար կստանա. ՊՆ
Հայաստանի ապագայում տեղ չկա ո՛չ այսօրվա, ո՛չ էլ անցած իշխանությունների համար․ Կարին Տոնոյան. ՏԵՍԱՆՅՈՒԹ
Քաղաքականություն
18.06.2021 | 21:39
Գյումրու Թատերական հրապարակում այսօր նախընտրական քարոզարշավի եզրափակիչ օրը հավաք անցկացրեցին «5165» շարժման ներկայացուցիչները։
«Հայաստանը նորից պիտի կանգնի աշխարհի դեմ և ասի՝ ես կամ, էլի քո արածը ինձ չկոտրեց։ Հայաստանը նորովի պիտի կերտվի, նոր Հայաստան պիտի լինի, և այդ Հայաստանը պիտի կերտեն նոր ուժեր, մաքուր ուժեր, որպեսզի մեր ապագայում երբևէ կեղտոտ, դավադիր ձեռքեր խառնված չլինեն»,- իր ելույթում նշեց շարժման վարչապետի թեկնածու Կարին Տոնոյանը։
Նա հայտարարեց, որ Հայաստանի ապագան միայն իր երիտասարդներինն է։
«Եվ այդ ապագայում տեղ չկա ո՛չ այսօրվա իշխանություներին, ո՛չ էլ անցած իշխանություններին։ Այս իշխանություններն արդյունքն էին նախորդ տարիների չարվածի, որովհետև Հայաստանն իրոք սիրել է պետք, իսկ Հայաստանին կարելի է սիրել միայն մաքուր սրտով, մաքուր խղճով ու մաքուր մտքով, որն ունեն միայն մաքուր ուժերը, նոր ուժերը։ Ինչ էլ որ ունենան նախորդ ուժերը, նրանք չունեն այդ երեքը։ Եվ ամենակարևորը՝ յուրաքանչյուր մարդու համար կա երեք թանկ բան՝ զավակը, հայրենիքը և Աստված։ Այսօր մեզանից խլել են մեր զավակներին, խլել են մեր հայրենիքի շատ թանկ մասը, և մնացել է միայն մեր հավատը, և այդ հավատից մենք ոտքի կկանգնենք, այդ հավատը մեր բռունցքներում, սրտերում կամրագրենք ու կքայլենք»,- հավելեց նա։
«5165» շարժումը վստահ է, որ Հայաստանն այլևս չպիտի վերադառնա անցյալ։
«Հայաստանում այլևս նոր միտք պիտի գործի, Հայաստանում կառավարման նոր համակարգ պիտի գործի, պետք է գան նոր, երիտասարդ, պրոֆեսիոնալ ուժեր և իրենց վրա վերցնեն իրենց երկրի կառուցումը»,- նշեց Կարին Տոնոյանը։
Մանրամասները՝ տեսանյութում։
Արմիկ Մովսիսյան
