18.11.2024 | 13:53
Ոստիկանության ստորաբաժանումները բացահայտել են հանցագործության 220 դեպք, որոնցից 5-ը՝ նախկինում կատարված
Ոստիկանների մասնակցությամբ միջադեպի առնչությամբ ծառայողական քննություն է նշանակվել
Հասարակություն
18.06.2021 | 18:04
Երևանի «Դինամո» մարզական համալիրի հարևանությամբ այսօր ոստիկանների մասնակցությամբ տեղի ունեցած ծեծկռտուքի առնչությամբ ծառայողական քննություն է նշանակվել։ Այս մասին Factor.am-ին հայտնեց ՀՀ Ոստիկանության հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանը։
«Քննությունը կավարտվի, արդյունքների վերաբերյալ լրացուցիչ տեղեկատվություն կտրամադրվի»,- ասաց Գաբրիելյանը։
Նշենք, որ այսօր ժամը 14.50-ի սահմաններում «Դինամո» Հայաստանի մարզական հասարակական կազմակերպության շենքի հարևանությամբ՝ ոստիկանության Մարտական և ֆիզիկական պատրաստվածության բաժնի առջև, ոստիկանների մասնակցությամբ ծեծկռտուք է եղել։ «Հետք»-ի հրապարակած տեսանյութի համաձայն՝ մի քանի ոստիկան ծեծել են 2 քաղաքացու։ Որոշ տեղեկություններով՝ նրանք նույնպես ոստիկաններ են եղել, սակայն այդ պահին եղել են քաղաքացիական հագուստով։
Արփի Հակոբյան
