27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ով Կոնդի դաչայում է հայտնվում, էն մյուսին նստացնում է․ կարո՞ղ է վերջացնենք․ Մարուքյան. ՏԵՍԱՆՅՈՒԹ
Քաղաքականություն
18.06.2021 | 13:24
«Մարդիկ չեն կարողանում հանդուրժել այս ամենը: 2008 թվականից մինչև օրս մեր երկիրը հայտնվել է 4 մարդկանց «ռազբորկաների» միջև՝ նախկին երեք նախագահների և ներկայիս վարչապետի միջև։ Կարո՞ղ է թողնեք՝ մենք էլ ապրենք, կրա՞կն ենք ընկել, կարո՞ղ է թողնեք՝ ժողովուրդն ապրի։ Ով Կոնդի առանձնատանը նստում է, մյուսին նստեցնում է և մուրճն էլ իր ձեռքը վերցնում»,- Արաբկիր վարչական շրջանում քարոզարշավի ժամանակ լրագրողների հետ ճեպազրույցում ասաց «Լուսավոր Հայաստանի» վարչապետի թեկնածու Էդմոն Մարուքյանը:
«Չանցնելու տարբերակ չկա, իսկ փողոց դուրս գալու տարբերակ կարող է լինել միայն մեկ դեպքում, եթե ընտրությունները կեղծվեն»,- ասաց Մարուքյանը: Նրա խոսքով՝ «Լուսավոր Հայաստանը» հանդես է գալիս փողոց դուրս գալը բացառելու նպատակով։ Մարուքյանը միաժամանակ ընդգծեց, որ փողոցն ազատել են՝ արտահերթ խորհրդարանական ընտրություններ նշանակելով։
«Եթե չի ձևավորվում ազգային համաձայնության կառավարություն, ուրեմն, մեր օրակարգը պարտված է: Եթե մեր օրակարգը պարտված է, մենք որևէ անելիք չունենք: Մենք ամեն ինչ անելու ենք, որ այդ օրակարգը հաղթի, այս օրակարգը մեր ժողովրդի պահանջն է»,- նշեց ԼՀԿ-ի վարչապետի թեկնածուն։
Մանրամասները՝ տեսանյութում:
