17.09.2026 | 13:52
Հորս մասով փորձում է հաճոյանալ Ալիևին. Լևոն Քոչարյանը՝ Փաշինյանի մասին․ ՏԵՍԱՆՅՈՒԹ
Պետք է եռամսյա հավաքներ կազմակերպել ու տանել, բաց դիրքերը լրացնել. Սամվել Բաբայան. ՏԵՍԱՆՅՈՒԹ
Քաղաքականություն
18.06.2021 | 12:41
Պատերազմից հետո 25 տարի բանակ ենք կառուցել, մտածել ենք, որ հզոր բանակ ենք, բայց պատերազմ է սկսվում, և մենք երեք օրվա մեջ հասկանում ենք, որ պարտվում ենք, ու ոչ մեկը չի ուզում դրա համար պատասխան տալ: Այսօր հրավիրված ասուլիսի ժամանակ այս մասին նշեց Արցախի Հանրապետության անվտանգության խորհրդի նախկին քարտուղար, «Ազատական» կուսակցության պատգամավորության թեկնածու Սամվել Բաբայանը:
«Բանակ պիտի կառուցվի: Ժողովուրդները չեն պարտվում, պարտվում է կառավարումը, մարդիկ իրենց տեղում չեն եղել: Պատերազմը շախմատ է, որն ուղեղով են ղեկավարում, ոչ թե զենքի քանակով: Զենքի քանակն ու որակը կորուստների մասին է խոսում, բայց կառավարումը, ռազմավարությունը պետք է թույլ չտա, որ հակառակորդը թելադրողի դերում լինի: Մարդկանց թվացել է ֆրոնտ կարող են ղեկավարել, բայց արդյունքը սա է:
Պետք է պրոֆեսիոնալ բանակ կառուցենք, եռամսյակային հավաքներ կազմակերպենք 20-30 տարեկանների համար, վերապատրաստենք, տանեն, բաց դիրքերը լրացնենք: Նրանցից պետք է ընտրենք կամավոր պրոֆեսիոնալ զինծառայողներ՝ բարձր աշխատավարձով: Դրանով իսկ կարող ենք կարճ ժամկետներում պրոֆեսիոնալ բանակ ձևավորել և լուրջ սպայական կազմի հետ աշխատել, իսկ ովքեր ունակ չեն, պետք է հեռանան բանակից»:
Մանրամասները՝ տեսանյութում:
