16.02.2026 | 14:53
ՀԷՑ-ը 145 հազար բաժանորդի 285 միլիոն դրամ տույժ է վճարել․ Մեսրոպյան․ ՏԵՍԱՆՅՈՒԹ
Սամվել Սևյանը` Տիգրան Պետրոսյանի մրցաշարի հաղթող
18.06.2021 | 11:32
Շախմատի աշխարհի 9-րդ չեմպիոն Տիգրան Պետրոսյանի անվան արագ շախմատի հուշամրցաշարի հաղթողն ԱՄՆ ներկայացուցիչ Սամվել Սևյանն է:
«Արմենպրես»-ի հաղորդմամբ` 9 հնարավորից հավաքելով 8 միավոր, մրցաշարի հաղթող դարձավ Սևյանը: Երկրորդ տեղում 7,5 միավորով Գևորգ Ալավերդյանն է, իսկ եռյակը եզրափակում է Աշոտ Նադանյանը՝ 7 միավորով:
«Երկաթե Տիգրանը» Միջազգային կարգի գրոսմայստեր էր (1952), ԽՍՀՄ սպորտի վաստակավոր վարպետ (1960), շախմատային տեսաբան և վերլուծաբան, «Շախմատային Մոսկվա» ամսագրի խմբագիր (1963-1966), «64» շաբաթաթերթի գլխավոր խմբագիր (1968-1977), փիլիսոփայական գիտությունների թեկնածու: Պետրոսյանը աշխարհի չեմպիոնի կոչումը նվաճել է 1963 թվականին, իսկ 1966 թվականին՝ պաշտպանել այն:
