18.01.2026 | 15:00
WP․ Պենտագոնը պատրաստվում է դեսանտայիններին ուղարկել Մինեսոտա
ՀՀ-ն կողմ է Սոթք-Խոզնավար հատվածում ՌԴ սահմանապահների տեղակայմանն ու սահմանագծմանը. Փաշինյան․ ՏԵՍԱՆՅՈՒԹ
Քաղաքականություն
17.06.2021 | 21:27
Հանրապետության հրապարակում հրավիրած «Քաղաքացիական պայմանագիր» կուսակցության հանրահավաքի ընթացքում ՀՀ վարչապետի պաշտոնակատար, ՔՊ նախընտրական ցուցակը գլխավորող Նիկոլ Փաշինյանն անդրադարձավ նաև Սոթք-Խոզնավար ճանապարհի անվտանգության հարցին մասին և ընդգծեց, որ այդ խնդիրը պետք է լուծվի խաղաղ ճանապարհով:
«Մենք ասում ենք, որ այդ իրադրությունը պետք է լուծվի խաղաղ միջոցներով, քանի որ տեսնում ենք դրա իրական հնարավորությունը: Մեր միջազգային գործընկերները կիսում են մեր տեսակետը, այն է՝ Ադրբեջանի զորամիավորումները պետք է դուրս գան Հայաստանի տարածքից, ընդ որում՝ Հայաստանը պատրաստ է ընդունել միջազգային գործընկերների առաջարկը՝ զորքերի հայելային դուրսբերման սահմանի երկայնքով ռուս սահմանապահ կետերի տեղակայման և միջազգային հովանու ներքո հայ-ադրբեջանական սահմանի դելիմիտացիայի և դեմարկացիայի աշխատանքներ տանելու մասին՝ այդ աշխատանքը սկսելով հենց Սոթք-Խոզնավար հատվածից»,- ասաց Փաշինյանը:
Նա նաև հայ հանրությանը կոչ արեց չվախենալ «դեմարկացիա» կամ «դելիմիտացիա» բառերից, քանի որ այդ գործընթացով անցնում են աշխարհի բոլոր անկախ պետությունները:
Մանրամասները՝ տեսանյութում:
