13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
Քարոզարշավի գլխավոր ուղեկիցը դարձան բռնության կոչերն ու սպառնալիքները․ Անդրիաս Ղուկասյան․ ՏԵՍԱՆՅՈՒԹ
Քաղաքականություն
17.06.2021 | 20:46
Այսօր Գյումրիում «Ազատ հայրենիք» դաշինքի վարչապետի թեկնածու Անդրիաս Ղուկասյանը, գնահատելով ավարտին մոտեցող նախընտրական քարոզարշավը, կարծիք հայտնեց, որ այն ուղեկցվեց բռնության կոչերով ու սպառնալիքներով, իսկ կարևոր հարցերը մնացին լուսանցքից դուրս։
«Մենք ամենն արեցինք, որ բովանդակալից խոսք հասցնենք մեր հանրությանը, այսօր կարևորագույն հարցեր են Հայաստանի համար անվտանգությունը, Արցախի կարգավիճակը, կարգավորումն արցախյան խնդրի, կայուն տնտեսական զարգացումը։ Այդ մասին, եթե նկատել եք, նույնիսկ խոսք չեղավ բանավեճերի ժամանակ։ Փորձեցինք դա դարձնել քննարկման առարկա, բայց գերիշխում է այդ դեբատը՝ հները, նորերը և այլն։
Ես այն կարծիքին էի մինչև ընտրությունները, որ Նիկոլ Փաշինյանի մասնակցությունն այս ընտրություններում բացասաբար է ազդելու այս իմաստով մեր քաղաքական համակարգի վրա։ Այսօր, տեսնում ենք, որ, այո՛, դա այդպես է , կարևոր հարցերը մնում են լուսանցքից դուրս։
Քննարկում ենք այդ միֆերը, մի թեկնածուն պնդում է, որ իր կառավարման ժամանակ հրաշք է եղել Հայաստանում, մյուսը պնդում է, որ ապագա կա, անցյալի պատասխանատվությունը փոխացում է ուրիշներին, և այստեղ չկան այն լուծումները, որոնք որ մեր քաղաքացիներն ուզում են տեսնել»,- ասաց Անդրիաս Ղուկասյանը։
Մանրամասները՝ տեսանյութում։
Արմիկ Մովսիսյան
