18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ահազանգեր ենք ստանում, որ ընդդիմությունը կաշառք է բաժանում․ ՏԵՍԱՆՅՈՒԹ
Քաղաքականություն
17.06.2021 | 20:12
Իշխանությունը վարչական ռեսուրս չի օգտագործում: Այս մասին Factor.am-ի հետ զրույցում նշեց ՀՀ վարչապետի օգնական Նաիրի Սարգսյանը՝ հավելելով, որ իշխանության կողմից վարչական ռեսուրսի օգտագործումը բացառվում է:
«Ահազանգեր ենք ստանում, որ ընդդիմությունն ընտրակաշառք է բաժանում, բազմաթիվ հաստատված դեպքեր ունենք, այս պահին էլ ընթացքի մեջ են նոր բացահայտումները, առաջիկայում հայտարարություններ կլինեն, և կիմանանք նոր բացահայտումների մասին»,- նշեց Սարգսյանը՝ հավելելով, որ հնարավոր է «ընդդիմադիր ուժերի քաղաքապետերը» փորձեն ռեսուրս կիրառել, բայց կպատժվեն:
Հարցին, թե ընդդիմության կողմից ընտրակաշառքի բաժանումն արդյոք իշխանության թուլության մասին չի վկայում, Սարգսյանը պատասխանեց. «Ո՛չ, եթե այդպես լիներ, չէինք բացահայտի…»:
Նշենք՝ Հանրապետության հրապարակում մեկնարկել է «Քաղաքացիական պայմանագիր» կուսակցության հանրահավաքը: Նաիրի Սարգսյանը նշեց, որ մարդկանց հոսքը շարունակվում է, և հույս հայտնեց՝ այսօր հրապարակը լեփ-լեցուն կլինի:
Մանրամասները՝ տեսանյութում:
