17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Եթե կուզենան, ես կլինեմ պատերազմի հարցով քննիչ հանձնաժողովի նախագահը․ Սերժ Սարգսյան․ ՏԵՍԱՆՅՈՒԹ
Քաղաքականություն
17.06.2021 | 19:58
Հանրապետականը մի ցանկություն ունի՝ ստեղծել քննիչ հանձնաժողով, թե ինչպես էս կապիտուլյանտը երկիրը հասցրեց էս վիճակին, ինչպես եղավ, որ պատերազմ սկսեց, ինչպես եղավ, որ պատերազմում մենք ուղղակի ջախջախվեցինք, և այդ հանձնաժողովի նախագահը, եթե կուզենան, ես կլինեմ: Այս մասին այսօր Շիրակի մարզում քարոզարշավի ժամանակ հայտարարեց ՀՀ երրորդ նախագահ Սերժ Սարգսյանը:
«Մենք որևէ մեկի նկատմամբ թշնամությամբ լեցուն չենք, մենք թշնամանք չունենք ոչ մեկի նկատմամբ, բայց 5 հազարից ավելի զոհերի հիշատակը, մեր կորսված տարածքները 200-ից ավելի քաղաքներ, գյուղեր ենք զիջել, 8 հազար քառակուսի կիլոմետր, հազարավոր պատմական հուշարձաններ: Այսինքն մեր պատմության մի մասը մենք տվել ենք թուրքին, տվել ենք ադրբեջանցուն: Բա ինչ-որ մեկը դրա համար պիտի պատասխան տա, չէ՞: Կամ գոնե պետք է իմանանք՝ ինչու այդպես եղավ»,- նշեց Սարգսյանը:
