13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
Ես ասել եմ` 20 մլրդ բերել եմ, բայց չեն վերցրել․ Ծառուկյանը՝ իշխանություններին․ ՏԵՍԱՆՅՈՒԹ
Քաղաքականություն
17.06.2021 | 19:54
«Բարգավաճ Հայաստան» կուսակցությունը Շառլ Ազնավուրի հրապարակից քայլերթով դեպի Ազատության պողոտա գնաց, որտեղ արդեն մեկնարկել է ԲՀԿ–ի ամփոփիչ հանրահավաքը։
Հայաստանը պետք է ամրապնդի իր կապերը Ռուսաստանի հետ։ «Բարգավաճ Հայաստանի» ամփոփիչ հավաքի ժամանակ հայտարարեց ԲՀԿ առաջնորդ Գագիկ Ծառուկյանը։
«Բոլորդ տեսաք, որ Էրդողանն ու Ալիևն իրար հետ Շուշի եկան ու մեր հողի վրա նոր փաստաթուղթ ստորագրեցին։ Ես էլ ասում եմ` մենք պետք է Ռուսաստանի հետ նոր փաստաթուղթ ստորագրենք։ Եվրախորհրդարանում քննարկում է լինում, Հայաստանը դեմ է լինում Ռուսաստանին, և միայն ԲՀԿ-ական պատգամավորն է կողմ քվեարկում` հետո էլ ասում են լավ են մեր կապերը Ռուսաստանի հետ»,-ասաց Ծառուկյանը։
Նրա խոսքով` ոչ թե պետք է ամեն ինչ գցենք ռուս գործընկերների վրա, այլ համագործակցենք։
Ծառուկյանը նշեց` բացի այդ, մեզ պրոֆեսիոնալ բանակ է պետք, որտեղ առաջնագիծ չեն գնա 18 տարեկանները, այլ պայմանագրայինները կլինեն այնտեղ։
Ծառուկյանն անդրադարձավ սոցիալական, տնտեսական, գյուղատնտեսության խնդիրներին, դրանց լուծմանը, վարկերին ու ներդրումներին:
«Ինձ ասում են, Ծառուկյան ջան, որ կարող ես գումար բերել, պետք է իշխանության լինես, նոր բերե՞ս, ես ասում եմ՝ ո՛չ, 20 միլիարդ բերել եմ, չեն վերցրել, բերել եմ 1 տոկոսով, 10 տարի ժամկետով, չեն ընդունել»:
Մանրամասները՝ տեսանյութում:
