11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Պուտինը կիսվել է Բայդենի մասին տպավորություններով
Քաղաքականություն
17.06.2021 | 17:20
ՌԴ նախագահ Վլադիմիր Պուտինն իր ամերիկացի գործընկեր Ջո Բայդենին անվանել է պրոֆեսիոնալ, գրում է ՌԻԱ Նովոստին։
«Նրա հետ անհրաժեշտ է շատ ուշադիր աշխատել»,- ասել է Պուտինը։
Նա նշել է, որ Բայդենի հետ կարողացել են գլխավոր հարցերում միմյանց հասկանալ։ Պուտինը նաև նշել է, որ ԱՄՆ նախագահի կերպարը, որ ներկայացնում են լրատվամիջոցները, «մի փոքր հուսահատեցնում է», սակայն դա նրա հետ ոչ մի կապ չունի։
«Մենք նրա հետ 2,5 ժամ խոսել ենք, նա ամբողջությամբ թեմայի մեջ է»,- տպավորություններն է ներկայացրել ՌԴ ղեկավարը։
Հիշեցնենք՝ նախօրեին Ժնևում տեղի է ունեցել Պուտինի ու Բայդենի առաջին լայնամասշտաբ գագաթնաժողովը։ Նախագահները զրուցել են 4,5 ժամ և եկել որոշակի պայմանավորվածությունների: Մասնավորապես, Ռուսաստանի ղեկավարը հայտնել է, որ որոշվել է միջգերատեսչական մակարդակով սկսել խորհրդատվություններ՝ ռազմավարական կայունության վերաբերյալ: Բացի այդ, պետությունների ղեկավարները հայտարարել են, որ միջուկային պատերազմում չեն կարող լինել հաղթողներ:
Տաթև Ֆռանգյան
